МКА 2000 Скопје e добредојден и препознатлив градител на менаџмент консалтинг професијата, промотер на извонредност во менаџмент консултантството и поддржувач на менаџмент консултантите во Република Северна Македонија според највисоките светски стандарди.
Асоцијација за менаџмент консалтинг МКА 2000 Скопје е независна, самостојна, доброволна и непрофитна организација, во која доброволно се здружени полнолетни граѓани, државјани на Република Северна Македонија физички и правни лица. МКА 2000 Скопје во своето работење остварува определени цели и задачи од областа на општото деловно советување, а во тие рамки и на специјалноста – менаџмент консалтинг, како и на други сродни активности од интерес на членовите на МКА 2000 Скопје. Асоцијацијата своите цели и задачи ги остварува врз основа на стручност, непристрасност, независност, доброволност и солидарност, како фундаментални принципи во делувањето. МКА 2000 Скопје има својство на правно лице, со права, обврски и одговорности согласно Уставот на Република Северна Македонија и нејзините закони. Работата во организацијата е јавна. Јавноста се обезбедува преку известување во средствата за јавно информирање за сите поважни одлуки, ставови и заклучоци донесени од страна на органите на организацијата.
ВИЗИЈА: МКА 2000 Скопје e добредојден и препознатлив градител на менаџмент консалтинг професијата, промотер на извонредност во менаџмент консултантството и поддржувач на менаџмент консултантите во Република Северна Македонија според највисоките светски стандарди.
МИСИЈА: MKA 2000 Скопје придонесува кон националната конкурентност преку подобрување на вештините и професионализмот на своите членови и зајакнување на способностите на клиентите, ги претставува интересите на своите членки и на професијата во целост, настапува во името на професијата пред Владата, законодавните институции и пошироката заедница, работи на подобрување на стручните и менаџмент способностите на своите членки, работи на создавање на предуслови за поефикасно работење на своите членки како тие би биле поуспешни.
АСОЦИЈАЦИЈАТА МКА 2000 ги има следните цели и задачи:
Oрганизира соработка на менаџмент консултанти, a со цел за учество и заеднички настап во домашни и странски консултантски проекти.
Oрганизира Сертификациски испити за стекнување на меѓународно призната титула: ЦМЦ (Сертифициран Менаџмент Консултант), врз основа на процедури на меѓународната организација
Соработка со други слични домашни и странски асоцијации или организации. МКА 2000 е придружен член на ИЦМЦИ од 2003 год.
Учество во организирањето на различни облици на организирање и активности на консултанти членови на Асоцијацијата.
Соработка со државни органи и институции, органи на локалната самоуправа, стручни и научни установи и организации во Република Македонија заради помагање на Р. Македонија во интегративните Евро- атлантски интегративни процеси.
Соработка со деловни субјекти (трговски друштва) од земјата и од странство во градење на конкурентност (конкурентска предност) на Македонското стопанство.
Реализира и други активности со цел унапредување и усовршување на струката менаџмент консултант.
Други неспомнати активности согласно Законите на Р. Македонија.
Седиштето на Асоцијацијата е на адреса: ул. бул. Св. Климент Охридски бр.58б-2/4, 1000 Скопје.
